حوثی میزائل نے بحیرہ احمر میں چین جانے والے آئل ٹینکر کو نشانہ بنای

امریکی سینٹرل کمانڈ (سینٹ کام) کے مطابق یمن کی حوثی ملیشیا نے سنیچر کی صبح بحیرہ احمر میں اینٹی شپ بیلسٹک میزائل سے ایک آئل ٹینکر کو نشانہ بنایا جو روس سے چین جا رہا تھا۔ عرب نیوز کے مطابق سینٹ کام نے کہا ہے کہ حوثیوں کے اینٹی شپ بیلسٹک میزائل نے پاناما میں رجسٹرڈ یونانی ملکیت والے ایم ٹی وِنڈ کے آئل ٹینکر کو نشانہ بنایا۔ یہ ٹینکر روس سے واپس ہو کر چین کی جانب گامزن تھا۔ حوثیوں کو تنقید کا نشانہ بناتے ہوئے امریکی فوج نے کہا کہ ’ایم ٹی وِنڈ کے عملے نے پروپلشن اور سٹیئرنگ کو بحال کیا۔ حادثے میں کسی جانی نقصان کی اطلاع موصول نہیں ہوئی۔ خود ہی دوبارہ سے آگے بڑھنا شروع کیا۔‘